Հայտարարություններ

Սիրելի երիտասարդներ, օգոստոսի 12-ին՝ ժամը 09:00-ին, Սիսիանի Սիսակ Նահապետի անվան հրապարակում կմեկնարկի  Երիտասարդության միջազգային օրվան նվիրված միջոցառումների շարքը.

  • ժամը 09:00-ին՝ արշավ դեպի Շաքի ջրվեժ,
  • ժամը 12:00-ին՝ Սիսիանի անտառտնտեսություն, որտեղ ձեզ սպասվում է հագեցած օր՝ սպորտային մրցումներ, թատերական մանրապատումներ, ասմունք, երգ, պար և  ճաշկերույթ,
  • ժամը 20:00-ին  հրապարակում կշարունակվի համերգային ծրագիրը, որը կավարտվի շքեղ հրավառությամբ:

Ձեզ սպասվում է անակնկալներով լի անմոռանալի օր:

Հարգելի սիսիանցիներ.

Հայաստանի և ԱՄՆ միջև դիվանագիտական հարաբերությունների հաստատման 25-ամյակի կապակցությամբ կազմակերպվել է «Ամերիկյան մշակութային շրջագայություն» ծրագիրը, որի շրջանակներում 2017 թվականի հուլիսի 11-ին Սիսիան քաղաքի Համո Սահյանի անվան քաղաքային մշակույթի կենտրոնում նախատեսվում են հետևյալ միջոցառումները՝
1. 14:00 - ջազի վարպետության դասեր երիտասարդ երաժիշտների համար
2. 16:00 - «Կարմիր սրտերի Ջեքը» ֆիլմի ցուցադրություն
3. 19:00 - Հայաստանի ջազ նվագախմբի ելույթը Արմեն Հյուսնունցի ղեկավարությամբ:

Միջոցառումների մուտքն անվճար է:

sisian.am
 

Համայնքի ջրամատակարարումն իրականացնող «Վեոլիա Ջուր» ընկերությունից տեղեկացվում է, որ ս/թ հունիսի 28-ին ժամը 10:30-15:30 կդադարեցվի Սիսիան քաղաքի Գետափնյա թաղամասի ջրամատակարարումը:

2017 թվականի փետրվարի 27-ին՝ ժամը 18:00-ին, «Համո Սահյանի անվան Սիսիանի քաղաքային մշակույթի կենտրոն» ՀՈԱԿ-ի դահլիճում տեղի կունենա Սիսիանի համայնքի ղեկավար Արթուր Սարգսյանի պաշտոնավարման 100 օրվա ընթացքում կատարված աշխատանքների ամփոփում:

Սիրով սպասում ենք:

 

Այսօր՝ դեկտեմբերի 25-ին, ժամը 17:00-ին, Սիսիանի Սիսակ Նահապետի անվան հրապարակում հանդիսավորությամբ, երգ ու պարի հնչյունների ներքո կվառվեն ամանորյա տոնածառի լույսերը: Բոլորիդ ներկայությունը օրը էլ ավելի կդարձնի տոնական: Կանխավ շնորհակալություն:

Սիսիանի հիվանդանոցում առկա է վիրաբույժի թափուր հաստիք: Մանրամասների համար զանգել 0283 2 35 01 կամ 093 63 44 02 հեռախոսահամարներով:

Հոկտեմբերի 22-ին, ժամը՝ 11-ից Սիսիանի բժշկական կենտրոնում անվճար խորհրդատվություն եւ բուժում կիրականացնեն «Մալաթիա» բժշկական կենտրոնի մասնագետները:

ՄԱԿ-ի զարգացման ծրագիրը ՀՀ տարածքային կառավարման եւ արտակարգ իրավիճակների նախարարության հետ համագործակցությամբ եւ Շվեցարական զարգացման եւ համագործակցության գրասենյակի ֆինանսավորմամբ նախաձեռնում է համայնքային առաջնորդների ամառային ճամբար, որի նպատակն է խթանել 16-30 տարեկան երիտասարդների մասնակցությունն իրենց համայնքի քաղաքական, սոցիալական, տնտեսական եւ մշակութային կյանքին:

Ճամբարին մասնակցելու համար անհրաժեշտ է մինչեւ օգոստոսի 1-ը՝ ժամը 18:00-ը, առցանց լրացնել մասնակցության հայտ http://goo.gl/HwjijT հասցեում:

«Համայնքը ես եմ" համայնքային առաջնորդների ամառային ճամբարը կանցկացվի 2015թ.-ի օգոստոսի 20-ից 27-ը: 

Սիսիանի քաղաքապետարան

Սիսիանի քաղաքապետարանը մայիսի 22-ին՝ ժամը 18:00-ին, Սիսակ Նահապետի անվան հրապարակ է հրավիրում տարածաշրջանի բոլոր շրջանավարտներին՝ մասնակիցը լինելու ուրախ համերգին: Կազմակերպիչները խոստանում են անմոռաց ու հագեցած օր: Միացե´ք: Վերջում սպասվում է նաեւ տոնական հրավառություն:

Սիսիանի Շահումյան 14 հասցեում շտապ վաճառվում է սեփական տուն: Ունի նկուղ, անասնագոմ, ավտոտնակ, 800 ք/մ տնամերձ հողամաս՝ պտղատու ծառերով:

Մանրամասների համար զանգահարել 055 46 44 62:

Սիսիանի քաղաքապետարանը ապրիլի 21-ը հայտարարում է համաքաղաքային շաբաթօրյակի օր: Կոչ ու հորդոր Սիսիանում գործող հիմնարկ-ձեռնարկություններին, առեւտուր իրականացնող օբյետներին, կրթկան հաստատություններին, բնակիչներին՝ անմասն չմնալ եւ լծվել քաղաքի մաքրմանը: Հավաքված աղբը տեղափոխելու պարտականությունը դրված է բնակարանային կոմունալ տնտեսության վրա: