Նորություններ

Սիսիանի ավագ դպրոցի 11-րդ դասարանում սովորող Էդգար Պողոսյանը առաջարկում է դպրոցական զանգի իր տարբերակը: «Clever Sentry» (խելացի ժամապահ). այսպես է կոչվում Էդգարի ստեղծած դպրոցական զանգի ավտոմատացված համակարգը:

Թե ինչով է տերբերվում «Clever Sentry»-ն դպրոցական այլ զանգերից, Globnews.am-ը փորձեց պարզել՝ զրուցելով համակարգը ստեղծող Էդգար Պողոսյանի հետ:

Հերթական անակնկալը սիսիանցիների համար. Երիտասարդության օրվան ընդառաջ կազմակերպվող միջոցառումների շրջանակներում, օգոստոսի 8-ին «Համո Սահյանի անվան քաղաքային մշակույթի կենտրոնի» նախաձեռնությամբ, Սիսակ Նահապետի անվան հրապարակում կազմակերպվել էր բացօդյա կինոդիտում:  Միջոցառումը նորություն էր և պատահական չէ, որ ոչ միայն երիտասարդությունը այլև մեծերն ու փոքրերը մեծ հետաքրքրությամբ և ակտիվությամբ արձագանքեցին նախաձեռնությանը:

 

 

 

 

 

 

 

 

 

Օգոստոսի  8-ին Սիսական գունդը հերթական անգամ համալրվեց  ամառային զորակոչի նորակոչիկենրով, ովքեր սպայական կազմի և ծնողների առջև երդվելով անձնվիրաբար ծառայել հայրենիքին, զինվորագրվեցին հաղթական ճանապարհ անցած հայոց բանակին: Ձեռքն առնելով զենքը՝ գալիք երկու տարիների ընթացքում նրանք  իրենց պատվախնդիր ծառայությամբ ևս մեկ էջ կավելացնեն Սիսական գնդի հերոսական պատմության մեջ:
Նորակոչիկներից առավել հուզված էին իրենց զավակներին առաջին անգամ զինվորական համազգեստով տեսնող ծնողները:

Օգոստոսի 7-ին, երիտասարդության օրվան ընդառաջ, Համո Սահյանի անվան Սիսիանի քաղաքային մշակույթի կենտրոնի թատերական խմբի սաները սիսիանցի հանդիսատեսին իրենց փայլուն ելույթով թատերական տոն պարգևեցին: Մշակույթի կենտրոնի բեմում էր խմբի ղեկավար Աննա Հակոբյանի բեմադրած «Ախ,ներվեր,ներվեր» կատակերգությունը:  Խմբի 12  սաների մասնակցությամբ Գրիգոր Տեր-Գրիգորյանի համանուն ստեղծագործությունը ներկայացվեց յուրովի՝ փոփոխված, համալրված ժամանակակից տարրերով, ծիծաղաշարժ իմպրովիզներով:

Սիսիանի համայնքապետարանի նախաձեռնությամբ երիտասարդների միջազգային օրվան ընդառաջ կազմակերպվող միջոցառումները շարունակվում են:
Հուլիսի 22-ին  Համո Սահյանին նվիրված հուշ- ցերեկույթով մեկնարկած միջոցառումների շարքը  օր օրի հաջողությամբ համալրվում է, դառնում  բազմաժանր և  միմյանցից տարբերվող:
Սկզբնական շրջանում երիտասարդների պասիվ մասնակցությունը կազմակերպիչների մոտ մտավախություն էր առաջացրել. կամ միջոցառումները  երիտասարդներին չեն հետաքրքրում,  կամ  էլ Սիսիանում երիտասարդների շարքերը նվազել են: Բարեբախտաբար  թե մեկը,  թե մյուսը սխալ կանխատեսումներ էին: Զգալով համայնքապետարանի աջակցությունը և իրենց մտահղացումները կյանքի կոչելու պատրաստակամությունը՝ մի խումբ ակտիվ երիտասարդներ ոչ միայն սկսեցին մասնակցել միջոցառումներին, այլև  հանդես եկան մի շարք  նախաձեռնություններով. կիթառի երեկոներ, դիսկոտեկ, արշավ և նորաոճ party -ներ:

                                              Սիսիանի համայնքապետարանը իր շուրջն է համախմբել սիսիանցի մի խումբ երիտասարդների, ովքեր մեծ ակտիվությամբ մասնակցում են երիտասարդության օրվան ընդառաջ կազմակերպվող բոլոր միջոցառումներին, երբեմն նաև իրենք դառնում նախաձեռնող և կազմակերպիչ: Գևորգ Թորոսյանը այդ երիտասարդներից մեկն է: Օգոստոսի 5-ին իրականացավ նրա վաղեմի երազանքներից մեկը, իր նախաձեռնությամբ,  Սիսիանում առաջին անգամ անցկացվեց «Մեղրի փառատոն»:

Օգոստոսի 2-ին, Երիտասարդության միջազգային օրվան ընդառաջ կազմակերպվող միջոցառումների շրջանակում, քաղաքային մշակույթի կենտրոնում տեղի ունեցավ «Խելք-Խելքի» ինտելեկտուալ խաղ-մրցույթը: Մրցակցում էին 6 թիմեր հնգական անդամներով: Թիմերով իրենց մասնակցությունն էին բերել Սիսիանի ակտիվ երիտասարդները, Վորլդ Վիժն կազմակերպության Իմփաքթ և Սքայ ակումբի սաները, դպրոցականների Հիսթոջեն թիմը: Անակնկալ էր խաղին ժամկետային զինծառայողների թիմի մասնակցությունը: Խաղը ընթացավ լարված և հետաքրքիր մթնոլորտում:

Բինտեր, ստերիլ վիրակապներ, հեմոստատիկ սպունգներ, վիրահատական միջամտության և առաջին բուժօգնության համար անհրաժեշտ այլ պարագաներ, սրանք այն իրերն են, որոնք Սիսիանի բժշկական կենտրոնին նվիրաբերել են Շվեդիայի հայ համայնքի բարերարները: Օգոստոսի 2-ին Սիսիանի բժշկական կենտրոնը հյուրընկալեց Հայաստանի շտապօգնության հանձնախմբի ատենապետ Լորանս Շարոյանին, ով Սիսիանի համայնքի ղեկավար Արթուր Սարգսյանին և գլխավոր բժիշկ Անուշ Ներսիսյանին ներկայացրեց  բերված իրերը :

Վարչապետ Կարեն Կարապետյանի գլխավորությամբ ՀՀ Սյունիքի մարզի Սիսիան քաղաքում տեղի ունեցած խորհրդակցության ընթացքում քննարկվել են մարզի և համայնքների զարգացման ծրագրերի ընթացքը, կատարված աշխատանքներն ու անելիքները: 
Ներկայացնելով մարզի սոցիալ-տնտեսական իրավիճակը և մակրոտնտեսական ցուցանիշները` Սյունիքի մարզպետ Վահե Հակոբյանը նշել է, որ տարվա ընթացքում հաջողվել է հիմնականում ապահովել մարզպետարանի աշխատանքային ծրագրով և մարզի 2014-2017թթ. սոցիալ-տնտեսական զարգացման ծրագրի տարեկան աշխատանքային պլանով նախատեսված միջոցառումների կատարումը: Անհրաժեշտ օգնություն է ցուցաբերվել մարզի 72 համայնքներին` զարգացման ծրագրերի մշակման և ընդունման գործընթացում: Սյունիքի մարզում 2016 թվականին երկու փուլով իրականացվել են վարչատարածքային փոփոխություններ, որոնց արդյունքում ձևավորվել են 5 խոշորացված համայնքներ՝ Տաթև, Գորիս, Տեղ, Մեղրի և Գորայք: 2017-ին կազմավորվել է 3 նոր համայնք՝ Կապան, Քաջարան և Սիսիան կենտրոններով, որոնց մեջ ներառվելու է 67 համայնք:

«Հայաստանը բոլորի համար դարձնել գրավիչ և հարմարավետ».  ՀՀ  կառավարության կողմից նախաձեռնված  «Մաքուր Հայաստան» ծրագրի կարգախոսն է: Ծրագրի շրջանակներում կազմակերպված առաջին համապետական շաբաթօրյակը մայիսի 27-ին էր, իսկ երկրորդը՝ հուլիսի 29-ին:
Սիսիանի համայնքապետարանում  շաբաթօրյակի նախապատրաստական աշխատանքները սկսվել էին օրեր առաջ, համայնքի ղեկավար Արթուր Սարգսյանի գլխավորությամբ քննարկվել և աշխատանքային հստակ ծրագիր էր մշակվել, քաղաքը բաժանվել էր համապատասխան հատվածների, բնակչությունը  և շաբաթօրյակի բոլոր մասնակիցները  նախապես տեղեկացվել էին, ստեղծվել էին  պատասխանատու խմբեր:

Հուլիսի 25-ին, Սիսիանի մշակույթի կենտրոնում երիտասարդության միջազգային օրվան ընդառաջ կազմակերպվող միջոցառումների շրջանակներում, համայնքապետարանի նախաձեռնությամբ կայացավ Համո Սահյանի անվան քաղաքային մշակույթի կենտրոնի ժողովրդական գործիքների անսամբլի համերգը:
Նպատակը մեկն էր՝ երիտասարդությանը մեկ անգամ ևս ներկայացնել մերը , ազգայինը, կոտրել այն կարծրատիպը, թե այսօրվա երիտասարդությանը չի հետաքրքրում ժողովրդական երգարվեստը: Ինչը, եթե ոչ երգը կարող է այդչափ անմիջական ազդեցություն ունենալ մարդկային հոգու վրա՝ ոգևորել,  ուրախացնել, հուզել կամ տխրեցնել: Առանձնահատուկ ու ինքնատիպ ազդեցություն ունի ժողովրդական, աշուղական երգն ու երաժշտությունը: