Նորություններ

Թիվ 2 նախակրթարանում կազմակերպվել էր միջոցառում՝  նվիրված զատկի տոնին: Միջոցառմանը ներկա էին Սիսիանի համայնքի ղեկավարը, Սուրբ Գրիգոր Լուսավորիչ եկեղեցու հոգևոր հովիվ տեր-Պարգև քահանա Զեյնալյանը, ինչպես նաև համայնքապետարանի աշխատակիցները և ծնողները: Միջոցառման ընթացքում երեխաները տպավորիչ և գեղեցիկ ներկայացրեցին զատկի տոնակատարության խորհուրդը, որը բնույթով թե դաստիարակչական էր և թե ուսանելի: 

Ապրիլի 18-ին Սիսիանի մարզադաշտում կայացավ սպորտլանդիա 4 նախադպրոցական հաստատությունների ավագ խմբերի սաների միջև: Մրցաշարը բաղկացած էր 5 խաղափուլից: Այն կազմակերպվել էր սպորտի և երիտասարդության հարցերի նախարարության կողմից, որը համայնքում իրականացվեց համայնքապետարանի ջանքերով: Այս նախաձեռնությունը ոգևորություն էր առաջացրել թե սաների, թե ծնողների և թե նախակրթարանի աշխատակիցների շրջանում: <<Սպորտլանդիա անցկացնելը ոչ միայն խթանում է երեխաների ակտիվության ապահովմանը, առողջ մեծանալուն, այլ  նաև  նպաստում է թիմային գաղափարի ձևավորմանն ու զարգացմանը>>,- ասում էին ներկաները:

Ապրիլի 14-ին  Սիսիանի Սիսակ Նահապետի անվան հրապարակից Սահյանասեր հասարակությունը  Սիսիանի համայնքի ղեկավար Արթուր Սարգսյանի գլխավորությամբ ծաղիկներով շարժվեց դեպի Համո Սահյանի արձանի մոտ՝ նրան շնորհավորելու, մեկ անգամ ևս հիշելու և մեծարելու: Ներկաները եկել էին ասելու, որ երբեք սիրելի գրողին բացակա չեն դնելու, ասելու, որ նա անմահ է, հիշատակը՝ անմար: Չնայած անձրևային եղանակին՝ այնուամենայնիվ միջոցառումը կայացավ: Սահյանի բանաստեղծություններով հանդես եկան տարբեր սերնդի ներկայացուցիչներ՝ դրանով իսկ ապացուցելով, որ Սահյանին սիրում են մեծից փոքր: 

«Ի  վերջո կատարվեց տարիների մեր երազանքը՝ տեսնել Սիսիանը լուսավոր»: Սիսիանի համայնքի բնակիչ  Լարիսա Միրզոյանը ոգևորված է՝ ոչ միայն քաղաքի կենտրոնական, նաև ծայրամասային հատվածների առավել լուսավորվածությամբ: Լուսավոր շրջապատում ի չիք են դառնում վտանգները, վախը, հիմա սկսել ենք ավելի ուշ քնել, որովհետև կարող ենք զբոսնել, հաճելի ժամանակ անցկացնել»,- շարունակում էր նա:

Սիսիանի Էմմա Ասյանի անվան երաժշտական դպրոցի մանկական երգչախումբը Երևանում կայացած «Ոսկե Տավիղ» մրցույթ-փառատոնում  փայլուն մասնակցության համար գրավել էր 2-րդ մրցանակային տեղը և վաստակել Վրաստան մեկնելու ուղեգիր: Սիսիանի համայնքի ղեկավար Արթուր Սարգսյանը խոստացավ հովանավորել, հոգալ բոլոր ծախսերը և երեխաներին ուղարկել Թբիլիսի՝ մասնակցելու այնտեղ կայանալիք փառատոնին:

Սիսիանի  բժշկական կենտրոնը շտապօգնության նոր մեքենա է ստացել: Ամբողջ բուժանձնակազմը ուրախ է, որ ի վերջո ունեն հիվանդին ավելի անվտանգ տեղափոխելու և տեղում բժշկական միջամտություն ցուցաբերելու համար  նախատեսված բոլոր պայմաններով հագեցած շտապօգնության մեքենա: Սյունիքի մարզպետը փաստեց, որ անձամբ ՀՀ նախագահի կողմից Սյունիքի մարզին հատկացվել է շտապօգնության 2 մեքենաներ, որոնցից մեկը տրամադրվել է Սիսիանին, իսկ մյուսը՝ Մեղրիին:

2016թ-ի գարունը շատ երազանքներ ու ժպիտներ խլեց: Ապրիլյան քառօրյա պատերազմը անտարբեր չթողեց ոչ մեկին, շատ-շատերը՝ առանց երկմտելու նետվեցին մարտի՝ իրենց  կյանքը զոհաբերելով  հանուն հայրենիքի, այն հայրենիքի, որն ապրել է հազարամյակներ, այն սրտաչափ հողի, որ խաղաղ լինի, որ մերը լինի և հայրենիք լինի մեր երկիրը: 

   Մարտի 6-ին Սիսիանի Աղվան Մինասյանի անվան մանկապատանեկան ստեղծագործության կենտրոնում կայացավ միջոցառում՝ նվիրված Սիսական գնդի ծննդյան  23-    ամյակին: Միջոցառման հյուրերի թվում էին  Աղվան Մինասյանի հայրը՝ Հրանտ Մինասյանը, Սիսիանի համայնքի ղեկավար Արթուր Սարգսյանը: 
   23 տարի է անցել այն օրվանից, երբ լռել են Արցախյան պատերազմի որոտները, սակայն ժամանակն անկարող է ամոքել վիշտը, սրտի վերքը և բուժել կորստի          անբուժելի ցավը: 

Մարտի 3-ին Սիսիանի համայնքապետարանի դահլիճում կայացավ հանրային բաց լսումներ 2016 թվականի տարեկան բյուջեի կատարման վերաբերյալ, որին ներկա էին համայնքապետարանի  և ենթակառույցների աշխատակիցները, ավագանու անդամները, ինչպես նաև համայնքի բնակիչները:

Փետրվարի 27-ին Սիսիանի Համո Սահյանի անվան մշակույթի կենտրոնում կայացավ  Սիսիանի համայնքի ղեկավար Արթուր Սարգսյանի պաշտոնավարման 100 օրվա հաշվետվությունը, որին  ներկա էին համայնքապետարանի և ենթակառույցների աշխատակիցները, ինչպես նաև համայնքի բնակիչները: Միջոցառումը սկսվեց պարային գեղեցիկ կատարումով, ելույթ ունեցան նաև մանկակական երգչախմբի սաները, ովքեր առաջիկայում պատրաստվում են համայնքի ղեկավարի հովանավորությամբ մեկնել Վրաստան՝ մասնակցելու միջազգային փառատոնի: Այնուհետև սաներից Մանանա Դավթյանն  իր շնորհակալական խոսքն ուղղեց սիրելի դարձած համայնքի ղեկավարին:

Փոքրիկ մատների ճկուն շարժումներով  հայկական ելևէջներով երաժշտություն՝ 5-ամյա  Արսինե Դանիելյանի կատարմամբ: Փոքրիկ Արսինեն արդեն կարողանում է վստահ նվագել քանոնի՝ այդ ժողովրդական գործիքի վրա: