Հասարակություն

Մայիսի 4-ին «Հայ ասպետ» հեռուստախաղում հաղթեց Սիսիանի N 1 հիմնական դպրոցի թիմը: Նարնջագույն թիմի դպրոցականները մրցակցում էին Երեւանի եւ Գյումրու թիմերի հետ: Սիսիանցի դպրոցականները հաղթեցին 65 միավորով: Խաղ-մրցույթում Գյումրին հավաքեց 58, Երեւանը` 42 միավոր:

Գնացինք գնացինք …
Ասեմ, որ առաջին անգամ էի Արցախում: Երբ արդեն Գորիսն անցանք եւ մտնում էինք Արցախի տարածք, հասկացա, թե ինչու են մեր թշնամիներն այդքան պայքարում հայոց հինավուրց այդ հողերի համար: Անտառներ սարերի վրա, փարթամ բուսականություն, երկնաքեր եղեւնիներ, մաքուր օդ... Ուղղակի հրաշք: Շատ տպավորված անցա այդ ճանապարհը: Երբ հասանք Ստեփանակերտ, ապշած էի քաղաքի մաքրությամբ: Հաջորդ օրը առավոտյան մեզ սպասվում էր արշավ դեպի Շուշի քաղաք: Ամեն ինչ նախապես պլանավորված էր: Մեր խումբը Շուշիից արեւելք գտնվող Շորժ գյուղի մոտակայքից պետք է շարժվեր: Հենց այնտեղ մեզ էր սպասում Շուշիի ազատագրման գործողությունների հրամանատարներից մեկը՝ Արկադի Կարապետյանը: Նա «Հարսանիք լեռներում» օպերացիան ղեկավարել էր այն ուղղությամբ, որով մեզ պիտի տաներ: Դեպի Շուշի մեր ամեն քայլափոխին նա ներկայացնում էր մանրամասներ օպերացիայից, թե ինչ հնարամտությունների են դիմել, ինչպես են ազատագրել բարձունքը…. Այնուհետեւ արդեն նաեւ մեր հրամանտարը մեզ «մարտական» առաջադրանք տվեց, ու մենք ուղղություն վերցրինք դեպի Շուշի: Ասեմ, որ շատ դժվարանցանելի ճանապարհ էր… Երբ հասանք Շուշիի բերդի մոտ, հրամանատարը մեզ պատմեց, թե ինչպես են հասել վերջնական հաղթանակին: Թշնամին միանշանակ շահեկան վիճակում է եղել եւ կարող էր անգամ քարերով պահել իր դիրքերը, սակայն հայի ոգին… Ու մենք հաղթել ենք, որովհետեւ նախնիների պատգամը մեր սրտերում է, որովհետեւ…մենք այլընտրանք չունեինք:

Մայիսի 9-ին սիսիանցիները հարգանքի եւ խոնարհումի տուրք մատուցեցին Հայրենական մեծ պատերազմում եւ Արցախյան ազատամարտում ընկածների հիշատակին: Չնայած ֆաշիզմի դեմ մղվող պատերազմին մասնակցած եւ հաղթանակի բերկրանքը վայելած Հայրենական մեծ պատերազմի մասնակիցների շարքերը տարեցտարի նոսրանում են, սակայն դրանից տոնի խորհուրդը չի փոխվում:
Սիսիանի տարածաշրջանից Հայրենական մեծ պատերազմին մասնակցել է 5548 մարդ, նրանցից 2803-ը զոհվել են մարտադաշտում: Մեր համերկրացիներից 4–ն արժանացել են Խորհրդային Միության հերոսի կոչման£ 69 տարի անց Հաղթանակի տոնը նշում են ընդամենը 6 սիսիանցի վետերաններ: Սյունիքի մարզպետարանը դրամական խրախուսանք էր պատրաստել, Սիսիանի քաղաքապետարանն էլ հյուրասիրություն էր կազմակերպել ֆաշիզմի դեմ տարած հաղթանակի մասնակիցների համար:

 

Վերջերս ծանոթացա մի անձնավորության հետ, ով իմ ուշադրությունը գրավեց բնության հանդեպ ունեցած մեծագույն սիրով, մարդասիրությամբ ու լավատեսությամբ: Հարազատներիս հետ արշավի էինք դուրս եկել, եւ հենց նրանք էլ ինձ ցույց տվեցին մի տարածք, որն անվանեցին «Ժորայի ֆազենդա»,«Ժորայի ձոր»: Ձորը նախկինում անջրդի ու խոպան է եղել, ամայի մի տարածք, որին նա՝ Ժորան՝ աստվածատուր շնորհով օժտված բնապաշտը, կենդանություն է տվել: Առուն փորել է քար ու ժայռի մեջ… Սկսել է ծնեբեկի մշակությունից, ընդամենը 300 գրամ սերմից: Հիմա Ժ. Համբարձումյանի այգում կան շատ բերքատու ծառեր: Տարածքը իսկական դրախտավայր է դարձել: Հիմա էլ մտածում է Վաղատին գյուղի չորս կողմերում անտառ հիմնել, զոհված ազատամարտիկների հիշատակին հուշաքար կանգնեցնել: Շատ պարզ ու շիտակ մարդ է, անկեղծ ժպիտով, որ ճառագում է սրտի խորքից:

Սիսիանի ավագ դպրոցի բնագիտամաթեմատիկական հոսքի 32 աշակերտների այցելությունը զորամաս նպատակ ուներ առավել մոտիկից ծանոթանալ զինվորական ծառայությանը, սերտացնել բանակ-դպրոց կապը, երեխաների մեջ սերմանել հայրենասիրություն: Ապագա զինվորները խոստանում են սյունեցուն վայել ծառայել բանակում, հարկ եղած դեպքում կրկնել իրենց հայրերի ու եղբայրների սխրագործությունները:

Այսօր լրանում է Անդրանիկ Օզանյանի ծննդյան 149-ամյակը: Ամեն տարի փետրվարի 25-ին Սիսիանի շրջանի Անգեղակոթ գյուղում ծաղիկներ են դնում գյուղի կենտրոնում 23 տարի առաջ կանգնեցված Անդրանիկ Օզանյանի արձանին: 1918թ.-ին զորքով ու գաղթականներով ավելի քան 6 ամիս Անդրանիկ զորավարը ապաստանեց Անգեղակոթում: Մինչեւ 1919թ.-ի մարտ ամիսը Սիսիանում մնալը կարեւոր նշանակություն ունեցավ Զանգեզուրը թուրքերից ու մուսավաթականներից պաշտպանելու գործում:

 

Ամեն տարի փետրվարի 15-ին աֆղանական պատերազմի մասնակիցները հարգանքի տուրք են մատուցում իրենց մարտական ընկերների հիշատակին, ծաղիկներ խոնարհում տարիներ առաջ Կարեն Դեմիրճյանի անվան զբոսայգում կանգնեցված հուշակոթողին: Աֆղանական պատերազմի մասնակիցներից շատերը նաեւ Արցախ մեկնեցին՝ կուտակած իրենց փորձը ծառայեցնելու հայրենիքի ազատագրմանը:

Ստեղծել քաղաքապետին կից երիտասարդական խորհուրդ, որը կկոորդինացնի երիտասարդական մայրաքաղաքի հետ կապված աշխատանքները, նաեւ քննարկել առաջիկա անելիքները: Այդ նպատակով էին Սիսիանի քաղաքապետ Աղասի Հակոբջանյանի աշխատասենյակում հավաքվել ակտիվ երիտասարդները, ներկայացուցիչներ ուսումնական հաստատություններից, հասարակական կազմակերպություններից: Հանդիպմանը ներկա էր նաեւ տարածքային կառավարման նախարարի տեղակալ Արտաշես Բախշյանը:
Պայմանավորված հանրապետության առաջին երիտասարդական մայրաքաղաքի հռչակումով՝ այս տարի կազմակերպված միջոցառումները բազմաբնույթ ու բազմաթիվ են լինելու: Միջոցառումների ցանկի հստակեցումից հետո հարկավոր է դրանց հավուր պատշաճի պատրաստվել: Աղասի Հակոբջանյանը վստահեցնում է՝ ի շահ Սիսիանի առաջ քաշված ցանկացած գաղափար պատրաստ են միասին կյանքի կոչել:

 

Սյունիքի մարզ է այցելելտարածքային կառավարման նախարար, փոխվարչապետ Արմեն Գեւորգյանը: Սիսիանում նա եղել է Գորայք, Ծղուկ եւ Սառնակունք համայնքներում, այցելել կաթի վերամշակման ձեռնարկություն, գյուղատնտեսական կենդանիների արհեստական սերմնավորման կենտրոն: Ծանոթացել է տեղի հնարավորությունների, իրազեկվել խնդիրներին:
Մարզում Արմեն Գեւորգյանը այցելել է նաեւ Գորիս ու Կապան, որտեղ ներկայացվել է մարզպետարանի տարեկան հաշվետվությունը:

Մանրամասները՝ տեսանյութում:

 

Սիսիանցի 19-ամյա Կարեն Գալստյանի երազանքն էր զինվորական դառնալ: Կենսախինդ ու ժպտերես, աշխատասեր ու ամենքին օգնելու պատրաստակամ երիտասարդին այսօր հողին հանձնեցին հայրենի Սիսիանում զինվորական կարգի համաձայն: Կարենը հազարավոր հայ քաջորդիների նման ընկավ թշնամու նենգ գնդակից՝ հայոց սահմաններն անառիկ պահելու իր սուրբ առաքելությունը կատարելիս:
ԼՂՀ նախագահ Բակո Սահակյանի հունվարի 30-ի հրամանագրով` ԼՂՀ պետական սահմանը պաշտպանելիս ցուցաբերած արիության համար ԼՂՀ պաշտպանության բանակի N զորամասի շարքային Կարեն Գալստյանը հետմահու պարգեւատրվել է «Մարտական ծառայություն» մեդալով:

 

Տոնական օրն անձրեւոտ է, ինչը սակայն չի խանգարում, որ Սիսիանում նախատեսված միջոցառումն ընթանա բնականոն հունով: Հայոց բանակի կազմավորման 22-ամյակի կապակցությամբ պարգեւներ ու զինվորական քայլերթ, նաեւ հարգանքի տուրք սիսիանցի զոհված ազատամարտիկների հիշատակին: Իսկ Համո Սահյանի անվան մշակույթի կենտրոնում կայացած ներկայացումը շատերին ստիպեց հուզվել ու վերհիշել բժվարին ու ծանր տարիները:

Մանրամասները՝ տեսանյութում

: