Հասարակություն

Հունիսի 21-ին,Սիսիանի համայնքի ղեկավար Արթուր Սարգսյանի նախաձեռնությամբ, Համո Սահյանի անվան Սիսիանի քաղաքային մշակույթի կենտրոնում տեղի ունեցավ բուժաշխատողի օրվան նվիրված տոնական միջոցառում: Հրավիրված էին Սիսիանի տարածաշրջանի բուժհիմնարկների աշխատակիցներ՝ բժիշկներ, բուժաշխատողներ: Օրվա խորհուրդը առիթ էր ևս մեկ անգամ հայացք ուղղելու բժշկի անձնվեր, պատասխանատու աշխատանքին, փառաբանելու և գովերգելու ամենամարդասիրական մասնագիտությունն ընտրած անձանց՝ բժիշկներին: Տոնական երեկոն սկսվեց Սյունիքի մարզպետ ՎահեՀակոբյանի շնորհավորական ուղերձով, որը ներկայացրեց մարզպետի օգնական Անի Գրիգորյանը:  Ներկաներին շնորհավորանքի և բարեմաղթանքի խոսքեր հղեց Սիսիանի համայնքի ղեկավար Արթուր Սարգսյանը:  Նա իր խոսքում բարձր գնահատեց բժշկի դերն ու նվիրումը թե խաղաղ և թե պատերազմական իրավիճակներում:  

Մանկան անկեղծ ծափ ու ծիծաղ, երջանիկ ժպիտներ, զարդարված փողոցներ, հունիսի մեկ՝ երեխաների պաշտպանության միջազգային օր: Հունիսի 1-ի առավոտյան Սիսիանում ակտիվ եռուզեռ էր՝ տիրում էր տոնական  բարձր տրամադրություն: Համայնքապետարանի և ենթակառույցների աշխատակիցները ջանք ու եռանդ չէին խնայում հրապարակին  տոնական տեսք և երեխաներին հեքիաթային օր պարգևելու  համար: 

Սիսիանի Ազատամարտի հրապարակում միջոցառում էր կազմակերպվել՝ նվիրված Հայաստանի առաջին Հանրապետության և Արցախյան գոյամարտում հերոսաբար ընկած քաջամարտիկ Վուրգ Ոսկանյանի ծննդյան տարեդարձին: Միջոցառման ընթացքում խոսվեց Հայաստանի առաջին Հանրապետության մասին, որտեղ ներկայացվեց, որ հայ ազգն անհաղթելի է, հայ ժողովուրդն՝ անպարտելի:

Դպրոցական վերջին զանգը երկար ղողանջեց Սիսիանի ավագ դպրոցում:  Մեծ կյանք մտնելու ժամանակն է: Կավճոտ գրատախտակը, մանկական խենթությունները, հերթապահության ցուցակն ու դասասենյակները մի տեսակ թախծում են այդ օրը. հրաժեշտ են տալիս տարիներ շարունակ նույն սեղանի մոտ նստած աշակերտներին, անհոգ ու զվարթ ծիծաղը նրանք թողնում են դպրոցում ու մնաս բարով ասում սիրելի դարձած դպրոցին:

Մայիսի 10-ին Սիսիանի համայնքապետարանի դահլիճում կայացավ հանդիպում առարկայական օլիմպիադայի մարզային փուլին մասնակցած և մրցանակային տեղեր զբաղեցրած աշակերտների և  նրանց ուսուցիչների հետ: Հանդիպմանը ներկա էին նաև Սիսիանի համայնքի ղեկավար Արթուր Սարգսյանը, Սյունիքի  մարզպետարանի աշխատակազմի կրթության և մշակույթի վարչության պետ Հովիկ Ալեքսանյանը, ինչպես նաև  դպրոցների տնօրեններ և այդ ոլորտի ներկայացուցիչներ: 

1992թ-ին, երբ աշխարհը նշում էր Հայրենական մեծ պատերազմի հաղթանակի օրը, մեր օրացույցում մայիսի 9-ը նշանավորվեց նոր հաղթանակով: Մայիսի 8- գիշերը, հայկական զորքը մտնում է Շուշի, որտեղ մայիսյան հերթական լուսաբացին բերդաքաղաքի սուրբ Ղազանչեցոց եկեղեցու ավերված գմբեթին արդեն ծածանվում էր հայոց հաղթական եռագույնը: <<Հարսանիք լեռներում>> օպերացիան հաջողված էր, հաղթանակը մերն էր…

102 տարի է, ինչ ամբողջ հայությունը սգում է, սգում է իր կորցրած Արևմտյան Հայաստանի կորստյան ցավից, այրվում` կորցրած հայրենի եզերքի անսփոփ կարոտով, ապրում՝ անմեղ զոհերի հիշատակով, ինչքան մանուկներ պիտի ծնվեին, որոնք…..այդպես էլ չծնվեցին… 
Վրեժի ցասումը դեռ կրակվում է բոլորի սրտերում, ատելությունը դեռ փոթորկվում է մեր հոգիներում, դա է պատճառը, որ ամեն տարի՝ ապրիլի 23-ին, կազմակերպվում է ջահերով երթ դեպի հուշակոթող՝ դրանով փորձելով մեղմել վրեժի ցասումը, մեր նահատակներին և քաջարի զոհված տղաներին խոստանալով, որ նենգ թշնամին այլևս չի հանդգնի ոտք դնել հայոց հողին, որ միլիոն ու կես հայի թափած արյունը անհետ չի կորչելու:  

Ապրիլի 14-ին  Սիսիանի Սիսակ Նահապետի անվան հրապարակից Սահյանասեր հասարակությունը  Սիսիանի համայնքի ղեկավար Արթուր Սարգսյանի գլխավորությամբ ծաղիկներով շարժվեց դեպի Համո Սահյանի արձանի մոտ՝ նրան շնորհավորելու, մեկ անգամ ևս հիշելու և մեծարելու: Ներկաները եկել էին ասելու, որ երբեք սիրելի գրողին բացակա չեն դնելու, ասելու, որ նա անմահ է, հիշատակը՝ անմար: Չնայած անձրևային եղանակին՝ այնուամենայնիվ միջոցառումը կայացավ: Սահյանի բանաստեղծություններով հանդես եկան տարբեր սերնդի ներկայացուցիչներ՝ դրանով իսկ ապացուցելով, որ Սահյանին սիրում են մեծից փոքր: 

«Ի  վերջո կատարվեց տարիների մեր երազանքը՝ տեսնել Սիսիանը լուսավոր»: Սիսիանի համայնքի բնակիչ  Լարիսա Միրզոյանը ոգևորված է՝ ոչ միայն քաղաքի կենտրոնական, նաև ծայրամասային հատվածների առավել լուսավորվածությամբ: Լուսավոր շրջապատում ի չիք են դառնում վտանգները, վախը, հիմա սկսել ենք ավելի ուշ քնել, որովհետև կարող ենք զբոսնել, հաճելի ժամանակ անցկացնել»,- շարունակում էր նա:

2016թ-ի գարունը շատ երազանքներ ու ժպիտներ խլեց: Ապրիլյան քառօրյա պատերազմը անտարբեր չթողեց ոչ մեկին, շատ-շատերը՝ առանց երկմտելու նետվեցին մարտի՝ իրենց  կյանքը զոհաբերելով  հանուն հայրենիքի, այն հայրենիքի, որն ապրել է հազարամյակներ, այն սրտաչափ հողի, որ խաղաղ լինի, որ մերը լինի և հայրենիք լինի մեր երկիրը: 

Մարտի 3-ին Սիսիանի համայնքապետարանի դահլիճում կայացավ հանրային բաց լսումներ 2016 թվականի տարեկան բյուջեի կատարման վերաբերյալ, որին ներկա էին համայնքապետարանի  և ենթակառույցների աշխատակիցները, ավագանու անդամները, ինչպես նաև համայնքի բնակիչները: