Main content

Հասարակություն

Ամենագարնանային տոնի կապակցությամբ Սիսիանի համայնքի ղեկավար Արթուր Սարգսյանը և ԱԺ պատգամավոր Ավետ Սարգսյանը անակնկալ էին պատրաստել սիսիանցի կանանց համար: Մարտի 8-ին վաղ առավոտից Սիսիանի տարբեր հատվածներում, կենտրոնական և ծայրամասային թաղամասերում հարյուրավոր ծաղիկներ բաժանվեցին, ոմանց համար օրվա առաջին նվերն էր, ոմանց համար էլ՝ միակը:

1

Մարտի 5-ին Սիսիանի համայնքապետարանում անցկացվեց շտաբային ուսումնավարժություն՝ «Գարնանային հեղեղումների դեպքում կանխարգելիչ միջոցառումների իրականացումը» թեմայով:  Քննարկվեց Բռնակոթ բնակավայրում  գետի վարարման և բնակավայրի հեղեղման դեմ ուղղված միջոցառումների պլանը, արտակարգ իրավիճակում  պատասխանատու անձանց գործողությունները:  Ուսումնավարժությունը ղեկավարում էր Սիսիանի համայնքի ղեկավար, ՔՊ պետ Արթուր Սարգսյանը: Շտաբային ուսումնավարժության նպատակն էր ստուգել Սիսիանի համայնքապետարանի ղեկավար կազմի,

1

Փետրվարի 12-ին Սիսիանում մեկնարկեց դպրոցական  առարկայական օլիմպիադաների տարածքային փուլը, որին մասնակցում են դպրոցական փուլում լավագույն արդյունքներ ցուցաբերած 8-ից 12-րդ դասարանների աշակերտները: Այս փուլը կընդգրկի  հայոց լեզու, անգլերեն, հայոց եկեղեցու պատմություն, ռուսերեն լեզու, հայոց պատմություն, գրականություն և ՆԶՊ առարկաները: Հայոց լեզու և անգլերեն  առարկաների օլիմպիադաները անցկացվել են փետրվարի 12-ին և 13-ին:

1

Սիսական գնդի կազմավորման 24 ամյակի կապակցությամբ Սիսիանի համայնքապետարանի աշխատակազմը՝ համայնքի ղեկավար Արթուր Սարգսյանի գլխավորությամբ, շնորհավորում է բոլոր նրանց, ովքեր կերտել են գնդի փառահեղ պատմությունը, բոլոր այն զինվորական այրերին, ովքեր իրենց գիտելիքներով նպաստել են գնդի կայացմանն ու զարգացմանը, բոլոր այն ժամկետային զինծառայողներին, ովքեր իրենց կյանքի լավագույն երկու տարիները նվիրել են մեր սահմանների պաշտպանությանն ու ամրությանը: Մարտի 4-ը Սիսական գնդի տարեդարձի օրն է, այն 24 տարեկան է, ու... ու մերն է, յուրաքանչյուր սիսիանցու հպարտությունն է , Սիսիանի պատմության շղթայի հերոսական օղակն է, ու մեր ժառանգությունն է, որն ասես սուրբ մասունք պետք է փոխանցենք սերունդներին՝ պահելով անպարտ ու անսասան ։

1

Սիսիանի զորամասի նորակոչիկների երդման արարողությունը ավանդույթի համաձայն կազմակերպվել էր Արցախյան մարտերում նահատակված հերոսների հիշատակը հավերժացնող պանթեոնում: Մի կողմում դարերի պատմություն ունեցող եկեղեցի, մյուս կողմում` հայրենական պատերազմում զոհվածների հուշակոթող, իրապես սրբավայր, որտեղ հնչած երդումը հավերժանում է հաղթանակների սրբագործված  լույսով:

1

Սիսիանի համայնքապետարանի մշակույթի, կրթության, սպորտի, առողջապահության, երիտասարդության և սոցիալական հարցերի բաժինը Մայրենի լեզվի միջազգային օրվա կապակցությամբ հայտարարել էր շարադրության մրցույթ։ Մասնակիցները համայնքի դպրոցների 7-12-րդ դասարանների աշակերտներն էին, ովքեր մայրենի լեզվի մասին իրենց մտքերը շարադրել էին «Հայ լեզուն տունն է հայուն» վերնագրի ներքո։

1
Հունվարի 19-ին ՀՀ ոստիկանության կոլեգիայի նիստի ժամանակ ՀՀ ոստիկանապետ Վլադիմիր Գասպարյանի հայտարարել էր, որ համակարգում կադրային լուրջ քաղաքականություն են վարելու, և այն կարծրացած մարդիկ, ովքեր չեն կարողանում ձևափոխվել, կփոխարինվեն երիտասարդներով:
1

Փետրվարի 23-ին Սիսիանի համայնքապետարանի դահլիճում, համայնքի ղեկավարի տեղակալ Վարդան Իվանյանի և աշխատակազմի քարտուղար Վաչագան Միրաբյանի գլխավորությամբ,  կայացավ հանրային բաց լսում 2017թ. տարեկան բյուջեի կատարման վերաբերյալ: Տարեկան հաշվետվությունը ընդգրկում էր քաղաքաշինության, կոմունալ տնտեսության, գյուղատնտեսության, առևտրի, մշակույթի և այլ ոլորտներում  2017 թվականին կատարված աշխատանքների ամփոփ նկարագիրը: Հանրային լսմանը մասնակցում էին համայնքային և մարզային իշխանությունների ներկայացուցիչներ, համայնքային ենթակայության կառույցների աշխատակիցներ և այլոք: Վաչագան Միրաբյանը իր զեկույցում ներկայացրեց  Սիսիանի համայնքի տարբեր բնագավառներում  2017 թվականին կատարված աշխատանքները:

1

Փետրվարի 6-ին ՀՀ տարածքային կառավարման և զարգացման նախարարի տեղակալ Վարազդատ Կարապետյանի գլխավորությամբ Սիսիանում հրավիրվել էր աշխատանքային խորհրդակցություն՝ Սյունիքի և Վայոց Ձորի մարզերի համայնքների ղեկավարների, մարզպետարանի, համայնքապետարանի աշխատակիցների, բնակավայրերի վարչական ղեկավարների և ֆինանսական կազմակերպությունների ներկայացուցիչների մասնակցությամբ: Սիսիանի համայնքի ղեկավար Արթուր Սարգսյանը, ողջունելով նախարարի տեղակալի այցը, կարևորելով հանդիպման նպատակը, խոսքը տրամադրեց նրան:

1

ՀՀ նախագահի հրամանագրով 1-ին զորամիավորման հրամանատար, գեներալ-մայոր Տիգրան Փարվանյանն օրերս նշանակվեց հայ-ռուսական միացյալ զորքերի խմբավորման հրամանատար՝ ազատվելով ՀՀ ՊՆ 1-ին ԲԿ հրամանատարի պաշտոնից: Այս մասին հայտնում է ՀՀ ՊՆ «Հայ Զինվոր» պաշտոնաթերթը:

Մինչ այս գեներալ-մայոր Տիգրան Փարվանյանը զբաղեցնում էր ՀՀ ՊՆ 1-ին բանակային կորպուսի հրամանատարի պաշտոնը: Նրա փոխարեն 1-ին զորամիավորման նոր հրամանատար է նշանակվել գնդապետ Արարատ Մելքումյանը:

ՀՀ նախագահ Սերժ Սարգսյանը գեներալ-մայորի զինվորական կոչումն է հանձնում Տիգրան Փարվանյանին

ՀՀ նախագահ Սերժ Սարգսյանը գեներալ-մայորի զինվորական կոչումն է հանձնում Տիգրան Փարվանյանին

Հունվարին ՀՀ նախագահի հրամանագրով՝ գեներալ-մայոր Անդրանիկ Մակարյանը ազատվել էր միացյալ զորքերի հրամանատարի պաշտոնից՝ նշանակվելով ՀՀ զինված ուժերի մարտական պատրաստության վարչության պետ–զինված ուժերի գլխավոր շտաբի պետի տեղակալ։

ՌԱԶՄ.info

1

Նախագահ Սերժ Սարգսյանի շնորհավորական խոսքը Բանակի օրվա առթիվ պարգևատրման արարողության ժամանակ


Պարոնա՛յք գեներալներ,

Տիկնա՛յք և պարոնա՛յք սպաներ,

Սիրելի՛ ազատամարտիկներ,

Շնորհավորում եմ ձեզ Բանակի օրվա կապակցությամբ: Այսօր դուք արժանացել եք հայրենիքի բարձր պարգևներին և կոչումներին: Դա մեր ժողովրդի և պետության կողմից ձեզ երախտագիտություն հայտնելու մի դրվագ է:

1