Այսօր՝ նոյեմբերի 23-ին, Սիսիանի հիդրոշինարարների այգում կազմակերպվել էր «Մաքուր Սիսիան» բնապահպանական նախագծի առաջին շաբաթօրյակը:

Նախաձեռնության հեղինակը «ԱՄՆ խաղաղության կորպուսի» կամվոր Էլիզաբեթ Մորգանն է: Նա և մի խումբ դպրոցականներ մաքրեցին այգին՝ օրինակ ծառայելով հարակից շենքերի բնակիչների համար, չէ՞ որ հենց նրանց թեթև ձեռքով է այգին պատվում կենցաղային աղբով: Ինչպես և նախապես հայտարարվել էր շաբաթօրյակի մասնակիցները հավաքած աղբի  յուրաքանչյուր 1 տոպրակի դիմաց ստացան կինոդիտման 1 տոմս: Կինոդիտումը կկայան Սիսիանի Համո Սահյանի անվան մշակույթի կենտրոնում, նոյեմբերի 29-ին՝ ժամը 18:00-ին։
Նախաձեռնությանը աջակցել է նաև Սիսիանի համայնքապետարանը՝ տրամադրելով ձեռնոցներ և աղբի տոպրակներ: 
Նախագծի շրջանակներում Սիսիանի պատմամշակութային հուշարձանների հարակից տարածքներում և հանրային վայրերում պարբերաբար  կկազմակերպվեն շաբաթօրյակներ:
#ՄԱՔՈ՛ՒՐՊԱՀԵՆՔՄԵՐՔԱՂԱՔԸ

Add comment