Main content

Հասարակություն

Առաջիկա ձմռանը Սիսիանի թիվ  1 նախակրթարանում փայտե վառարաններին կփոխարինի ջեռուցման համակարգը:
«ԱՄՆ-ի Հայրենիք միության» գործադիր մարմնի ֆինանսավորմամբ՝ նախակրթարանում անցկացվել է ջեռուցման համակարգ:  Մոտ 6000 դոլլարի ԱՄՆ շրջանակներում կատարված աշխատանքերի արդյունքում՝ շենքն ամբողջովին կապահովվի ջերմությամբ.  4 խմբասենյակ,  4  ննջասենյակ,  միջանցքները և խոհանոցը:

1

Հոկտեմբերի 1-ից Սիսիանի թիվ 3 մանկապարտեզում կգործի նախակրթարան՝ տարածշրջանի սոցիալապես անապահով ընտանիքների 5-6 տարեկան երեխաների նախադպրոցական կրթությունն ապահովելու նպատակով:  Շինարարական աշխատանքները իրականացվում են կրթության և գիտության նախարարության ծրագրերի կենտրոնի  նախադպրոցական կրթության միկրոծրագրի շրջանակներում: Նախակրթարանը կաշխատի 4.5 ժամյա ռեժիմով, անվճար սկզբունքով: Երեխաների հավաքագրումը սկսված է, դաստիարակները ընտրվել և համապատասխան վերապատրաստում են ստացել :

1

 

Համո Սահյանի անվան Սիսիանի քաղաքային մշակույթի կենտրոնում չորս օր շարունակ մանկական տոն էր, բեմում էին նախակրթարանների ավագ խմբի սաները` հրաժեշտի ինքնատիպ և յուրօրինակ հանդեսներով: Թե դաստիարակները,  թե ծնողները և թե մշակույթի կենտրոնի աշխատակիցները արել էին հնարավոր ամեն ինչ միջոցառումները իրական տոն դարձնելու համար: Ավարտական հանդեսներին ներկա էին նաև համայնքի ղեկավար Արթուր Սարգսյանը, համայնքապետարանի աշխատակիցներ:
Սիսիանի Սուրբ Գրիգոր Լուսավորիչ եկեղեցու հոգևոր հովիվ Տեր-Պարգև քահանա Զեյնալյանի տերունական աղոթքով և երեխաներին ուղղված օրհնության խոսքերով հունիսի 27-ին մեկնարկեց միջոցառումների շարքը: Ավարատական ելույթներով հանդես եկան չորս նախակրթարանների 131 սաներ:

1

Սիսիանի պետական քոլեջի այս տարվա շրջանավարտների համար հուլիսի 12-ը տոնական և շատ սպասված օր էր: Երկուսից  չորս տարվա ուսումնառությունից հետո, Համո Սահյանի անվան Սիսիանի քաղաքային մշակույթի կենտրոնի դահլիճում, հանդիսավոր կերպով, նրանց հանձնվեցին ավարտական դիպլոմներ:

1

 названияՀունիսի 21-ին,Սիսիանի համայնքի ղեկավար Արթուր Սարգսյանի նախաձեռնությամբ, Համո Սահյանի անվան Սիսիանի քաղաքային մշակույթի կենտրոնում տեղի ունեցավ բուժաշխատողի օրվան նվիրված տոնական միջոցառում: Հրավիրված էին Սիսիանի տարածաշրջանի բուժհիմնարկների աշխատակիցներ՝ բժիշկներ, բուժաշխատողներ: Օրվա խորհուրդը առիթ էր ևս մեկ անգամ հայացք ուղղելու բժշկի անձնվեր, պատասխանատու աշխատանքին, փառաբանելու և գովերգելու ամենամարդասիրական մասնագիտությունն ընտրած անձանց՝ բժիշկներին: Տոնական երեկոն սկսվեց Սյունիքի մարզպետ ՎահեՀակոբյանի շնորհավորական ուղերձով, որը ներկայացրեց մարզպետի օգնական Անի Գրիգորյանը:  Ներկաներին շնորհավորանքի և բարեմաղթանքի խոսքեր հղեց Սիսիանի համայնքի ղեկավար Արթուր Սարգսյանը:  Նա իր խոսքում բարձր գնահատեց բժշկի դերն ու նվիրումը թե խաղաղ և թե պատերազմական իրավիճակներում:  

1

Հուլիսի 7-ին, հանդիսավոր կերպով, միջնակարգ կրթության գերազանցության ատեստատները ստացան Սիսիանի ավագ դպրոցի 15 մեդալակիրները: Միջոցառմանը մասնակցում էին Սիսիանի քաղաքապետ Արթուր Սարգսյանը, քաղաքապետի տեղակալ Վարդան Իվանյանը և Սիսիանի գնդի հրամանատար Սմբատ Գրիգորյանը: Ատեստատները տնօրենի հետ միասին հանդիսավոր հանձնեց քաղաքապետ Ա. Սարգսյանը: Միջոցառումը հետաքրքիր էր և լի գեղեցիկ անակնկալներով:
Բարի՛ երթ ձեզ, սիրելի շրջանավարտներ:

ՍԻՍԻԱՆԻ ԱՎԱԳ ԴՊՐՈՑ

1

Մանկան անկեղծ ծափ ու ծիծաղ, երջանիկ ժպիտներ, զարդարված փողոցներ, հունիսի մեկ՝ երեխաների պաշտպանության միջազգային օր: Հունիսի 1-ի առավոտյան Սիսիանում ակտիվ եռուզեռ էր՝ տիրում էր տոնական  բարձր տրամադրություն: Համայնքապետարանի և ենթակառույցների աշխատակիցները ջանք ու եռանդ չէին խնայում հրապարակին  տոնական տեսք և երեխաներին հեքիաթային օր պարգևելու  համար: 
Հունսիմեկյան միջոցառումը նվիրված էր 0-ից 100 տարեկան երեխաների համար: Այդ էր պատճառը, որ պարում և ուրախանում էին թե մեծահասակները և թե փոքրիկները: Սիսիանի Սուրբ Գրիգոր Լուսավորիչ եկեղեցու հոգևոր հովիվ տեր-Պարգև քահանա Զեյնալյանը տերունական աղոթքով բացեց միջոցառումը և բոլոր փոքրիկներին օրհնության իր խոսքը հղեց: 

Օրը շնչում էր մանկան հատուկ բոլոր հետաքրքրություններով: Երեխաներին ուղղված բարեմաղթանքի իր խոսքն ասաց Սիսիանի համայնքի ղեկավար Արթուր Սարգսյանը: <<Յուրաքանչյուր երեխայի մեջ մի բուռ հայրենիք կա, հետևաբար երեխայի հանդեպ մոտեցումը վերաբերմունք է հայրենիքի հանդեպ, նրա պաշտպանությունը հայրենիքի պաշտպանությունն է: Երեխաները մեր ապագան են, նրանք են կերտելու մեր վաղվա բարեկեցիկ ապագան, մեզանից յուրաքանչյուրը պետք է երեխայի հանդեպ լինի հոգատար և պատասխանատու, եկեք արժանապատվորեն մեծացնենք հայրենիքի վաղվա պաշտպանին, վաղվա քաղաքացուն>>,-նշում էր նա:

1

ԱՄՆ դեսպանատունը, ԱՄՆ Միջազգային զարգացման գործակալությունը /USAID/  և խաղաղության կորպուսն այս տարի նշում են Հայաստանի և Ամերիկայի Միացյալ Նահանգների միջև դիվանագիտական հարաբերությունների հաստատման 25 ամյակը: «Ամերիկյան մշակութային շրջագայություն 2017» խորագիրը կրող միջոցառումները մեկնարկել են հուլիսի 1-ին և անց են կացվել Հայաստանի յոթ քաղաքներում, վերջին կանգառը Սիսիանն էր: 

1

Սիսիանի Ազատամարտի հրապարակում միջոցառում էր կազմակերպվել՝ նվիրված Հայաստանի առաջին Հանրապետության և Արցախյան գոյամարտում հերոսաբար ընկած քաջամարտիկ Վուրգ Ոսկանյանի ծննդյան տարեդարձին: Միջոցառման ընթացքում խոսվեց Հայաստանի առաջին Հանրապետության մասին, որտեղ ներկայացվեց, որ հայ ազգն անհաղթելի է, հայ ժողովուրդն՝ անպարտելի:

1

Հուլիսի 7-ին Սիսիանում մեկնարկեց ամառային զորակոչը: Հայկական զուռնա դհոլի ոգևորող հնչյունները զինկոմիսարիատի բակում համախմբել էին  որդիներին հայրենիքի պաշտպանության սուրբ գործին ճանապարհող ծնողներին, հարազատներին: Նրանց կողքին էին Սիսիանի համայնքի ղեկավար Արթուր Սարգսյանը և համայնքապետարանի աշխատակիցները:  Նորակոչիկները՝  հպարտ և ինքնավստահ, թաքցնելով հուզմունքը, հրաժեշտ էին տալիս հարազատներին ու միաժամանակ ընդունում շնորհավորանքներ, բարեմաղթանքներ: Օդում թևածում էր հպարտությունը, խռովքն ու կոկորդում քարացած հուզմունքը, որը մեկ բառով կոչվում է մայրական սեր:

1

Դպրոցական վերջին զանգը երկար ղողանջեց Սիսիանի ավագ դպրոցում:  Մեծ կյանք մտնելու ժամանակն է: Կավճոտ գրատախտակը, մանկական խենթությունները, հերթապահության ցուցակն ու դասասենյակները մի տեսակ թախծում են այդ օրը. հրաժեշտ են տալիս տարիներ շարունակ նույն սեղանի մոտ նստած աշակերտներին, անհոգ ու զվարթ ծիծաղը նրանք թողնում են դպրոցում ու մնաս բարով ասում սիրելի դարձած դպրոցին:

1