Մշակույթ

Ապրիլի 14-ին Սիսիանի Համո Սահյանի անվան մշակույթի կենտրոնի բեմում Երեւանի փոփոխությունների թատրոնի դերասանները ներկայացնում էին «Պատմություն բաց ծովում» ինտերակտիվ բեմականացումը: Նախաձեռնությունը «Գորիսի կանանց զարգացման ռեսուրս կենտրոն» հիմնադրամինն էր, ֆինանսավորումը կատարել է Ասիական զարգացման բանկը:

Հանդիսատեսը մեկ շնչով բեմականացումը դիտելու հնարավորություն չուներ, այն ժամանակ առ ժամանակ ընդհատվում էր՝  հադիսատեսի խոսքն ու կարծիքը լսելու համար:   

Ջոկերը, ում դերում հանդես էր գալիս Արսեն Գրիգորյանը, նշում է, որ Սիսիանում հնչած կարծիքներն ու տեսակետները շատ են ու հետաքրքիր: Դերասանին զարմացրել է սիսիանցի հանդիսատեսի ակտիվությունը:

Ապրիլի 8-ին «Մշակութային կրթության աջակցության» հիմնադրամի նախաձեռնությամբ Կապանում տեղի ունեցավ Հայոց ցեղասպանության 100-րդ տարելիցին նվիրված երաժշտական մրցույթ-փառատոն:

Էմմա Ասյանի անվան Սիսիանի երաժշտական դպրոցից այդ փառատոնին մասնակցեցին 5-7-րդ դասարանների 7 սաներ:

Նրանցից 4-ը մրցույթում արժանացան պատվավոր տեղերի:

Դպրոցի 7-րդ դասարանի սան Նարինե Իսկանդարյանը հաղթող ճանաչվեց մրցույթում:

Ապրիլի 7-ին Սիսիանի Համո Սահյանի անվան քաղաքային մշակույթի կենտրոնի դահլիճում համերգային ծրագրով նշվեց Մայրության եւ գեղեցկության օրը: Նախապես ծրագրված երգացանկում ընդգրկված էին նաեւ մեր հայրենակից աշուղ Երամի երգերից:

Սիսիանի քաղաքապետարանի եւ մշակույթի կենտրոնի նախաձեռնությամբ համերգին հրավիրվեց նաեւ հեղինակը: Աշուղը  սիրով ընդունեց հրավերը եւ աշուղ Աստղանուշի հետ սիսիանցի կանանց շնորհավորելու եկավ:

Աշուղն իր խոսքն ուղղեց սիսիանցի կանանց եւ աղջիկներին՝ Ապրիլի 7-ի կապակցությամբ: «Ժողովրդական երգը ժողովրդի սրտում է, այն մոռանալ հնարավոր չէ»,-նշեց աշուղը:

Սիսիանի Էմմա Ասյանի անվան երաժշտական դպրոցի դահլիճում Ավետիսյանական տրամադրություն էր: Անուշ Վարդանյանի ղեկավարած վոկալի բաժնի 24 երեխաներից 10-ը ներկայացնում էին կատարումներ Խաչատուր Ավետիսյանի երգացանկից:

Ջութակի հնչյունների ներքո և գարնանային տրամադրությամբ սիսիանցի կանայք ազգային պատկերասրահի Սիսիանի մասնաճյուղում ներկայացնում են իրենց աշխատանքները։ Արդեն երկրորդ տարին է, ինչ կանանց միամսյակին ընդառաջ սրահը լցվում է կնոջ ներաշխարհի գույներով ու տրամադրություններով, հնչում են շնորհավորական խոսքեր ու բարեմաղթանքներ։

 

«Այս տարի նախորդ տարվա համեմատությամբ միջոցառումների պակաս է նկատվում»,- նշում է Սիսիանի քաղաքապետարանի կազմակերպական բաժնի պետ Սլավիկ Դադաշյանը և պարզաբանում` 2014-ին Սիսիանը Հայաստանի երիտասարդական մայրաքաղաքն էր․ բնական է, որ աշխուժությունն ավելի մեծ պետք է լիներ:

Այս տարի գարնանային միջոցառումները կմեկնարկեն կանանց միամսյակով: Մարտի 6-ին ազգային պատկերասրահի Սիսիանի մասնաճյուղում կբացվի ցուցահանդես՝ «Ստեղծագործում են սիսիանցի կանայք» խորագրով: Մարտ ամսվա ընթացքում Համո Սահյանի անվան ժողգործիքների անսամբլը հանդես կգա նոր համերգային ծրագրով , որում կընդգրկվեն  սիսիանցի երգահանների, հատկապես՝ Աշուղ Երամի ստեղծագործությունները:

Տյառնընդառաջի տոնի նախօրեին` փետրվարի 13-ին, Սիսիանի սուրբ Գրիգոր Լուսավորիչ եկեղեցում եւս երեկոյան ժամերգությունից հետո կատարվեց նախատոնակ: Տյառնընդառաջը ավետում է Տերունի տոնի սկիզբը: Նախատոնակի արարողության ավարտին կատարվեց Անդաստանի արարողություն, որի ընթացքում օրհնվեցին աշխարհի 4 ծագերը: Անդաստանին հաջորդեց մոմերի օրհնության արարողությունը։ Եկեղեցուց վերցված կրակով բակում իբրեւ Քրիստոսի լույս` խարույկ վառվեց: Նորապսակ զույգերքը շուրջպար բռնեցին վառվող խարույկի շուրջ, այնուհետեւ թռան կրակի վրայով:

Ազգային պատկերասրահի Սիսիանի մասնաճյուղում ցուցադրվում են Սլավիկ Խաչատրյանի աշխատանքները: Անհատական ցուցահանդեսին ներկա են Սիսիանի քաղաքապետ Աղասի Հակոբջանյանը, արվետագետի մտերիմները, գործընկերները: Ցուցադրվում են 68-ամյա նկարչի մոտ 40 աշխատանքները:

Արվեստագետը փաստում է, կյանքում իր հաջողությունների համար պարտական է իր ուսուցչին Զաքար Խաչատրյանին: Այդ տարիներին մի ողջ սերունդ դասեր առավ իմաստուն, արվեստասեր ու հայրենասեր Զաքարից: Սլավիկ Խաչատրյանի աշխատանքներում գերակշռող են դիմանկարները, բնանկարները, նատյուրմորտները:


Հայաստանի պետական մանկավարժական համալսարանի պրոֆեսոր, հայտնի նկարիչ Զաքար Խաչատրյանը նորից հայրենի տանն է: Հետեւում է այստեղ իրականացվող աշխատանքների ընթացքին, իր դիտարկումներն անում: Նրա հետ արդեն կատարված աշխատանքներին ծանոթանում է ՀՀ տարածքային կառավարման փոխնախարար Արտաշես Բախշյանը: Աշխատանքները սկսվել են այս տարվա աշնանը:

Նոյեմբերի 24-ին Սիսիանի քաղաքային մշակույթի կենտրոնի բեմում նոր մանկական ներկայացում էր։ «Քնած գեղեցկուհին»  ներկայացնում էին մշակույթի կենտրոնի թատերական խմբի առաջին դասարանի սաները։ Բեմադրող ռեժիսորը Աննա Հակոբյանն է։ Սա այս փոքրիկ դերասանների երկրորդ ներկայացումն էր։  Այժմ մշակույթի կենտրոնի երկու թատերական խմբերն էլ պատրաստվում են Ամանորի ուրախ ներկայացմանը։

{youtube}V7gJGFS9IW4{/Youtube}


Հոկտեմբերի 2-ին Հայաստանի ազգային պատկերասրահի Սիսիանի մասնաճյուղում տեղի ունեցավ Հայաստանի նկարիչների միության անդամ, գեղանկարիչ Լորիկ Միանասյանի անհատական ցուցահանդեսի բացման արարողությունը: Պայծառ, պարզ ու համեստ աշխատանքների ցուցադրության մեկնարկից առաջ հնչեցին շնորհավորական խոսքեր՝ ուղղված նկարչին, սիսիանցի հանդիսատեսին: