Սպորտ

Փետրվարին մարզկենտրոն Կապանում անցկացվեց շախմատի պատանիների 9-րդ առաջնությունը, որին մասկացել են նաեւ 12 սիսիանցիներ:

Մարզայն փուլում 10-12 տարեկանների խմբում Հայկ Հայրապետյանը 7 հնարավորից հավաքել է 5 միավոր՝ գրավելով 3-րդ, իսկ Ջեկ Հովհաննիսյանը 12-14 տարեկանների խմբում հավաքել է 6 միավոր՝ զբաղեցնելով 2-րդ տեղը: 


Սիսիանի շախմատի դպրոցում անցկացվեց ձմեռային ամփոփիչ ներդպրոցական մրցաշար, որին մասնակցեցին կրթօջախի բոլոր 63 սաները՝ երեք խմբերում՝ նախապատրաստական կամ կրտսեր, միջին կամ ուսումնական, ավագ կամ ուսումնամարզական։

Նախապատրաստական խմբում առաջին տեղը գրավեց Հայկ Ավետիսյանը, երկրորդ տեղում Մարի Հովհաննիսյանն էր, երրորդում՝ Դավիթ Գրիգորյանը։

Ուսումնական խմբում առաջին մրցանակը ստացավ  Արեն Սահակյանը,  երկրորդ տեղը գրավեց Միքայել Բաբայանը, երրորդ տեղում Աշոտ Մեսրոպյանն էր։

Ուսումնամարզական խմբի հաղթողներն էին՝ համապատասխանաբար Հայկ Հայրապետյանը, Լարիսա Մուսաթյանը, Բորիս Հարությունյանը։


Միանման շապիկներ, ուրախ տրամադրություն... Նախակրթարանների վճռական տրամադրված սաներ եւ դպրոցների աշակերտներ հավաքվել են՝ մասնակցելու ՀԱՕԿ Սյունիքի ներկայացուցչության կազմակերպած վազքարշավին: Հայաստանի ազգային օլիմպիական կոմիտեն հանրապետության մարզերում վազքարշավներ է կազմակերպում՝ նվիրված Օլիմպիական միջազգային օրվան: Սյունիքում Սիսիանը Կապանից հետո երկրորդ քաղաքն է, որտեղ երեխաների մասնակցությամբ վազքարշավ անցկացվեց: Հայաստանի առաջին երիտասարդական մայրաքաղաքում միջոցառման կազմակերպմանը աջակցել է նաեւ Սիսիանի քաղաքապետարանը:

ՖԱՖ-ը կամ առաջին հայկական ճակատը մասնաճյուղ հիմնեց նաեւ Սիսիանում` նպատակ ունենալով հեռավոր մարզերում զարգացնել երկրպագման մշակույթը:
«Մասնաճյուղեր հիմնելու նպատակն այն է, որ ազգային հավաքականի խաղի ժամանակ լինի ադեկվատ երկրպագություն: Հայաստանի հավաքականի խաղերը ցույց տվեցին, որ ֆուտբոլային խաղը այն եզակի դեպքերից է, երբ ամբողջ ազգը համախմբվում է: Կարծում եմ, որ սկզբում դժվար կլինի, որովհետեւ մի քիչ անսովոր է հայի համար ավելի քաղաքակիրթ ձեւով երկրպագել, բայց այդ ամենը ժամանակի ընթացքում կհարթվի»,- ասում է ՖԱՖ-ի ղեկավար խորհրդի անդամ Վարդան Հարությունյանը:

Հունիսի 1-ը սիսիանցի երեխաների համար իրական տոնի էր վերածել Հայաստանի ազգային օլիմպիական կոմիտեն՝ կազմակերպելով «Մենք ապագա օլիմպիականներ ենք» խորագրով սպորտլանդիա: Միջոցառմանը մասնակցում էին Սիսիանի բոլոր 4 նախակրթարանների սաները:
Միջոցառման կազմակերպմանն աջակցել է Սիսիանի քաղաքապետարանը: Իրենց կատարումներով օրվան տոնական շուք հաղորդեցին քաղաքի արվեստի եւ երաժշտական դպրոցների սաները:  «Սպորտլանդիա -2014»-ի ավարտին ՀԱՕԿ նախագահ Գագիկ Ծառուկյանի ստորագրությամբ պատվոգրեր ու գավաթներ հանձնվեցին առաջինից չորրորդ տեղերը գրաված թիմերին:

Մանրամասները՝ տեսանյութում:

Սյունիքի մարզի շախմատի մեծահասակների առաջնությունից սիսիանցի շախմատիստները վերադարձել են դարձյալ հաղթանակած:
Վարդան Մովսիսյանն առաջնության չեմպիոնն է: Շախմատիստներ Սուրեն Գեսյանը եւ Վիտալի Բալյանն արժանացել են համապատասխանաբար «Մինչեւ 18 տարեկան լավագույն պատանի» եւ «Մինչեւ 14 տարեկան լավագույն պատանի» մրցանակներին: Մրցաշարի մասնակից սիսիանցի մյուս 5 շախմատիստները տուն են վերադարձել միջին արդյունքներով:
Մայիսի 28-ին Ջերմուկում մեկնարկել է շախմատի առաջին խմբի կիսաեզրափակիչ մրցաշարը, որին մասնակցում են վերոնշյալ մրցաշարի մրցանակակիրներ Վարդան Մովսիսյանը եւ Սուրեն Գեսյանը: Վիտալի Բալյանն այս անգամ մրցույթին չի մասնակցի 18 տարեկան չլինելու պատճառով: Մրցաշարը կավարտվի հունիսի 4-ին: