Main content

IMG 7244Հուլիսի 15-ից 18-ը, «Գործենք միասին» ծրագրի շրջանակներում, Սիսիանում անցկացվեց սեղանի թենիսի մրցաշար:

Ծրագիրը ֆինանսավորվում է Սիսիանի համայնքապետարանի, «Վորլդ Վիժն Հայաստանյան» Սյունիքի տարածքային ծրագրի և «ԵՄ-ն հանուն երիտասարդության՝ հմտություններ ապագայի համար»* ծրագրի կողմից: Մրցաշարին մասնակցում էին  Սիսիան քաղաքը և համայնքի տարբեր բնակավայրերը ներկայացնող  14-30 տարեկան 26 երիտասարդներ: Մրցաշարի եզրափակիչ խաղերին ներկա էր նաև Սիսիանի համայնքի ղեկավար Արթուր Սարգսյանը: Նա իր ելույթում շնորհավորեց համայնքում ևս մեկ սպորտային մրցաշար հաջողությամբ իրականացնելու համար, շնորհակալություն հայտնեց կազմակերպիչներին,  մասնակիցներին և մրցավարներին:IMG 7197

Աղջիկների և տղաների խմբերում մրցանակային երեք տեղեր զբաղեցրած մասնակիցները պարգևատրվեցին համայնքի ղեկավարի պատվոգրերով ու դրամական պարգևներով: Առաջին հորիզոնականում էին Սիսիանից Արմեն Վազգենյանը և Բռնակոթից Սոնա Սուլեյմանյանը:IMG 7202 Երկրորդ պատվավոր հորիզոնականում Աղիտու բնակավայրը ներկայացնող Նորայր Ղազարյանն էր և Բռնակոթից Գրետա Սուլեյմանյանը: Երրորդ հորիզոնականում էին  Նորավան բնակավայրից Արփինե Արզումանյանը և Որոտնավանից Գառնիկ Հակոբջանյանը: Հատուկ շնորհակալագրերի ու նվերների արժանացան նաև մրցավարներ Անդրանիկ Սուլեյմանյանը և Մհեր Հակոբյանը: Բռնակոթը ճանաչվեց որպես մրցաշարի ամենաակտիվ մասնակից բնակավայր:IMG 7234

___________________________________________________

* «ԵՄ-ն հանուն երիտասարդության՝ հմտություններ ապագայի համար» տարածաշրջանային ծրագիրն (2018-2020թթ.) իրականացվում է Եվրոպական միության ֆինանսավորմամբ, հետևյալ երեք երկրներում՝ Հայաստան, Վրաստան և Ուկրաինա։ Ծրագիրը Հայաստանում իրականացվում է «Սեյվ դը չիլդրեն ինթերնեշնլ» կազմակերպության հայաստանյան ներկայացուցչության կողմից՝ ՕքսԵՋեն երիտասարդների և կանանց իրավունքների պաշտպանության հիմնադրամի հետ համագործակցաբար:

#Սիսիան համայնքը ես եմ#EU4Youth#UP4Change#EU4Armenia#SavetheChildren#OXYGEN#WVYouth


Add comment


1