Խմելու ջրագծերի և կոյուղագծերի վթարների վերացումը դարձել է Սիսիանի բնակարանային կոմունալ տնտեսության ամենօրյա աշխատանքի անբաժան մասը: Խողովակները երկար տարիներ չեն փոխվել, ենթարկվել են կոռոզիայի և ժամանակի փորձությանն այլևս չեն դիմանում: Անցնող մեկ  ամսվա ընթացքում միաժամանակ աշխատանքներ են տարվել Սիսիանում և համայնքի մի շարք բնակավայրերում՝ Բռնակոթ, Բնունիս, Տոլորս, Ախլաթյան, Դարբաս, Թասիկ, Նորավան:

Փոխվել է Սիսիանի Որոտան 5 շենքի կոյուղագծի մոտ 15 մետր ելքագիծը, վերանորոգվել է Խանջյան 5 շենքի կոյուղագիծը: Բռնակոթում կոյուղագծի 140 մետր հին խողովակները փոխարինվել են նորերով, տեղադրվել են երկու դիտահորեր:Բնունիսում փոխվել է խմելու ջրագծի 300 մ հատվածը: Դարբասում՝ խմելու ջրագծի 100մ հատվածը: Տոլորսում վերացվել է խմելու ջրագծի վթարը: Ախլաթյանում, Թասիկում և Նորավանում կատարվել են խմելու ջրագծերի մասնակի վերանորոգման աշխատանքներ: Ավտոգրեյդերով հարթեցվել, փոսալցվել է Բռնակոթի դպրոց տանող ճանապարհը: Իսկ Ույծում կատարվել է գետի հունի մաքրում:
ՇԱՐՈՒՆԱԿԵԼԻ...

Add comment