Քաղաքականություն

Ոչ իշխանական 3 ուժերի հանդիպումը Սյունիքի մարզում մեկնարկեց Սիսիանից։ Ընդդիմադիր եռյակը զանգվածային հավաքների միջոցով նպատակ ունի ճշտել մարզերում ապրող մարդկանց կարծիքն ու դիրքորոշումը Հայաստանում տիրող անօրինականությունների վերաբերյալ:

Հայաստանի պաշտպանության նախարար Սեյրան Օհանյանը աշխատանքային այցով եղել է Հայաստանի հարավ-արեւմտյան սահմանագոտում տեղակայված զորամիավորման մարտական դիրքերում: Այդ մասին հայտնել է ՊՆ մամուլի քարտուղար Արծրուն Հովհաննիսյանը:

Վերջինիս խոսքով, նախարարը այցելել է մարտական հենակետեր, հետեւել դիրքերի մարտավարական բնագծի եւ կահավորման առումով բարելավման աշխատանքներին, ծանոթացել մարտական հերթապահության իրականացման առանձնահատկություններին:

ԱԺ ԲՀԿ խմբակցության պատգամավորները այնտեղ են, որտեղ մարդիկ խնդիրներ ու հոգսեր ունեն: Կուսակցության առաջնորդ Գագիկ Ծառուկյանի հանձնարարությամբ պատգամավորները այսուհետև կայցելեն մարզեր, կծանոթանան տեղացիների խնդիրներին: Սիսիանը առաջին բնակավայրն էր, ուր այցելել են Միքայել Մելքումյանը և Վահան Բաբայանը: Նրանք խոսել են խմբակցության աշխատանքի մասին: Սիսիանցիների հնչեցրած մեկ տասնյակ հարցերը պատգամավորները կհրապարակեն համապատասխան ամբիոններից:

Մանրամասները՝ տեսանյութում: