Main content

Նորություններ

ԱՄՆ դեսպանատունը, ԱՄՆ Միջազգային զարգացման գործակալությունը /USAID/  և խաղաղության կորպուսն այս տարի նշում են Հայաստանի և Ամերիկայի Միացյալ Նահանգների միջև դիվանագիտական հարաբերությունների հաստատման 25 ամյակը: «Ամերիկյան մշակութային շրջագայություն 2017» խորագիրը կրող միջոցառումները մեկնարկել են հուլիսի 1-ին և անց են կացվել Հայաստանի յոթ քաղաքներում, վերջին կանգառը Սիսիանն էր: 

1

Հուլիսի 7-ին Սիսիանում մեկնարկեց ամառային զորակոչը: Հայկական զուռնա դհոլի ոգևորող հնչյունները զինկոմիսարիատի բակում համախմբել էին  որդիներին հայրենիքի պաշտպանության սուրբ գործին ճանապարհող ծնողներին, հարազատներին: Նրանց կողքին էին Սիսիանի համայնքի ղեկավար Արթուր Սարգսյանը և համայնքապետարանի աշխատակիցները:  Նորակոչիկները՝  հպարտ և ինքնավստահ, թաքցնելով հուզմունքը, հրաժեշտ էին տալիս հարազատներին ու միաժամանակ ընդունում շնորհավորանքներ, բարեմաղթանքներ: Օդում թևածում էր հպարտությունը, խռովքն ու կոկորդում քարացած հուզմունքը, որը մեկ բառով կոչվում է մայրական սեր:

1

Սիսիանի Ազատամարտի հրապարակում միջոցառում էր կազմակերպվել՝ նվիրված Հայաստանի առաջին Հանրապետության և Արցախյան գոյամարտում հերոսաբար ընկած քաջամարտիկ Վուրգ Ոսկանյանի ծննդյան տարեդարձին: Միջոցառման ընթացքում խոսվեց Հայաստանի առաջին Հանրապետության մասին, որտեղ ներկայացվեց, որ հայ ազգն անհաղթելի է, հայ ժողովուրդն՝ անպարտելի:

1

 

Համո Սահյանի անվան Սիսիանի քաղաքային մշակույթի կենտրոնում չորս օր շարունակ մանկական տոն էր, բեմում էին նախակրթարանների ավագ խմբի սաները` հրաժեշտի ինքնատիպ և յուրօրինակ հանդեսներով: Թե դաստիարակները,  թե ծնողները և թե մշակույթի կենտրոնի աշխատակիցները արել էին հնարավոր ամեն ինչ միջոցառումները իրական տոն դարձնելու համար: Ավարտական հանդեսներին ներկա էին նաև համայնքի ղեկավար Արթուր Սարգսյանը, համայնքապետարանի աշխատակիցներ:
Սիսիանի Սուրբ Գրիգոր Լուսավորիչ եկեղեցու հոգևոր հովիվ Տեր-Պարգև քահանա Զեյնալյանի տերունական աղոթքով և երեխաներին ուղղված օրհնության խոսքերով հունիսի 27-ին մեկնարկեց միջոցառումների շարքը: Ավարատական ելույթներով հանդես եկան չորս նախակրթարանների 131 սաներ:

1

Դպրոցական վերջին զանգը երկար ղողանջեց Սիսիանի ավագ դպրոցում:  Մեծ կյանք մտնելու ժամանակն է: Կավճոտ գրատախտակը, մանկական խենթությունները, հերթապահության ցուցակն ու դասասենյակները մի տեսակ թախծում են այդ օրը. հրաժեշտ են տալիս տարիներ շարունակ նույն սեղանի մոտ նստած աշակերտներին, անհոգ ու զվարթ ծիծաղը նրանք թողնում են դպրոցում ու մնաս բարով ասում սիրելի դարձած դպրոցին:

1

Հունիսի 29-ին ժամը 16:28 մինչև 16:44-ի սահմաններում Սիսիան քաղաքում հանկարծակի տեղացած խոշոր չափերի կարկուտը  և ուժգին քամին մեծ վնասներ պատճառեցին Սիսիանի տարածաշրջանին: Տեղատարափ անձրևը փողոցներում առաջացրեց մեծ հեղեղումներ, վնասեց այգիներն ու բանջարանոցները:
Աղետից անմիջապես հետո, պատճառված վնասներին ծանոթանալու համար Սիսիանի համայնքի ղեկավար Արթուր Սարգսյանը քաղաքում շրջայց կատարեց: Համայնքապետի անմիջական շփումը բնակչության հետ, մտահոգությունն ու հոգատար վերաբերմունքը մեղմեցին քաղաքացիների հոգեբանական ընկճվածությունը:  Համայնքում  արտակարգ իրավիճակների հետևանքով ֆիզիկական և իրավաբանական անձանց պատճառված վնասները գնահատող համայնքային հանձնաժողովի կատարած օպերատիվ աշխատանքների արդյունքում պարզվել է, որ համայնքի վարչական տարածքում տեղացած կարկուտը և կարկտախառը տեղատարափ անձրևը զգալի վնաս է հասցրել գյուղացիական տնտեսություններին, համայնքի բնակիչներին և ներհամայնքային ու միջհամայնքային ճանապարհներին: Սելավը հեղեղել է բնակելի տների նկուղները, անասնագոմերը, բանջարանոցները: Լուրջ վնասներ են կրել աշնանացան և գարնանացան մշակաբույսերի ցանքատարածքները, ոչնչացել են բանջարաբոստանային մշակաբույսերի սածիլները: Վնասվել են ցանքատարածությունների 60 տոկոսը, ինչպես նաև քաղաքի դեկորատիվ բուսականության գերակշիռ մասը: Քաղաքաշինության և տնտեսության բաժնի կողմից ոչ մի զանգ և դիմում անհետևանք չի մնում, շարունակվում են ճշտվել բնակչությանը հասցված վնասների չափը :

Տեսանյութը առանց մեկնաբանության

1

Մայիսի 10-ին Սիսիանի համայնքապետարանի դահլիճում կայացավ հանդիպում առարկայական օլիմպիադայի մարզային փուլին մասնակցած և մրցանակային տեղեր զբաղեցրած աշակերտների և  նրանց ուսուցիչների հետ: Հանդիպմանը ներկա էին նաև Սիսիանի համայնքի ղեկավար Արթուր Սարգսյանը, Սյունիքի  մարզպետարանի աշխատակազմի կրթության և մշակույթի վարչության պետ Հովիկ Ալեքսանյանը, ինչպես նաև  դպրոցների տնօրեններ և այդ ոլորտի ներկայացուցիչներ: 

1

 названияՀունիսի 21-ին,Սիսիանի համայնքի ղեկավար Արթուր Սարգսյանի նախաձեռնությամբ, Համո Սահյանի անվան Սիսիանի քաղաքային մշակույթի կենտրոնում տեղի ունեցավ բուժաշխատողի օրվան նվիրված տոնական միջոցառում: Հրավիրված էին Սիսիանի տարածաշրջանի բուժհիմնարկների աշխատակիցներ՝ բժիշկներ, բուժաշխատողներ: Օրվա խորհուրդը առիթ էր ևս մեկ անգամ հայացք ուղղելու բժշկի անձնվեր, պատասխանատու աշխատանքին, փառաբանելու և գովերգելու ամենամարդասիրական մասնագիտությունն ընտրած անձանց՝ բժիշկներին: Տոնական երեկոն սկսվեց Սյունիքի մարզպետ ՎահեՀակոբյանի շնորհավորական ուղերձով, որը ներկայացրեց մարզպետի օգնական Անի Գրիգորյանը:  Ներկաներին շնորհավորանքի և բարեմաղթանքի խոսքեր հղեց Սիսիանի համայնքի ղեկավար Արթուր Սարգսյանը:  Նա իր խոսքում բարձր գնահատեց բժշկի դերն ու նվիրումը թե խաղաղ և թե պատերազմական իրավիճակներում:  

1

1992թ-ին, երբ աշխարհը նշում էր Հայրենական մեծ պատերազմի հաղթանակի օրը, մեր օրացույցում մայիսի 9-ը նշանավորվեց նոր հաղթանակով: Մայիսի 8- գիշերը, հայկական զորքը մտնում է Շուշի, որտեղ մայիսյան հերթական լուսաբացին բերդաքաղաքի սուրբ Ղազանչեցոց եկեղեցու ավերված գմբեթին արդեն ծածանվում էր հայոց հաղթական եռագույնը: <<Հարսանիք լեռներում>> օպերացիան հաջողված էր, հաղթանակը մերն էր…

1

Մանկան անկեղծ ծափ ու ծիծաղ, երջանիկ ժպիտներ, զարդարված փողոցներ, հունիսի մեկ՝ երեխաների պաշտպանության միջազգային օր: Հունիսի 1-ի առավոտյան Սիսիանում ակտիվ եռուզեռ էր՝ տիրում էր տոնական  բարձր տրամադրություն: Համայնքապետարանի և ենթակառույցների աշխատակիցները ջանք ու եռանդ չէին խնայում հրապարակին  տոնական տեսք և երեխաներին հեքիաթային օր պարգևելու  համար: 
Հունսիմեկյան միջոցառումը նվիրված էր 0-ից 100 տարեկան երեխաների համար: Այդ էր պատճառը, որ պարում և ուրախանում էին թե մեծահասակները և թե փոքրիկները: Սիսիանի Սուրբ Գրիգոր Լուսավորիչ եկեղեցու հոգևոր հովիվ տեր-Պարգև քահանա Զեյնալյանը տերունական աղոթքով բացեց միջոցառումը և բոլոր փոքրիկներին օրհնության իր խոսքը հղեց: 

Օրը շնչում էր մանկան հատուկ բոլոր հետաքրքրություններով: Երեխաներին ուղղված բարեմաղթանքի իր խոսքն ասաց Սիսիանի համայնքի ղեկավար Արթուր Սարգսյանը: <<Յուրաքանչյուր երեխայի մեջ մի բուռ հայրենիք կա, հետևաբար երեխայի հանդեպ մոտեցումը վերաբերմունք է հայրենիքի հանդեպ, նրա պաշտպանությունը հայրենիքի պաշտպանությունն է: Երեխաները մեր ապագան են, նրանք են կերտելու մեր վաղվա բարեկեցիկ ապագան, մեզանից յուրաքանչյուրը պետք է երեխայի հանդեպ լինի հոգատար և պատասխանատու, եկեք արժանապատվորեն մեծացնենք հայրենիքի վաղվա պաշտպանին, վաղվա քաղաքացուն>>,-նշում էր նա:

1

102 տարի է, ինչ ամբողջ հայությունը սգում է, սգում է իր կորցրած Արևմտյան Հայաստանի կորստյան ցավից, այրվում` կորցրած հայրենի եզերքի անսփոփ կարոտով, ապրում՝ անմեղ զոհերի հիշատակով, ինչքան մանուկներ պիտի ծնվեին, որոնք…..այդպես էլ չծնվեցին… 
Վրեժի ցասումը դեռ կրակվում է բոլորի սրտերում, ատելությունը դեռ փոթորկվում է մեր հոգիներում, դա է պատճառը, որ ամեն տարի՝ ապրիլի 23-ին, կազմակերպվում է ջահերով երթ դեպի հուշակոթող՝ դրանով փորձելով մեղմել վրեժի ցասումը, մեր նահատակներին և քաջարի զոհված տղաներին խոստանալով, որ նենգ թշնամին այլևս չի հանդգնի ոտք դնել հայոց հողին, որ միլիոն ու կես հայի թափած արյունը անհետ չի կորչելու:  

1